ਖੈਰ! ਸਾਡੀ ਅੱਜ ਦੀ ਚਿੰਤਾ ਬ੍ਰਾਹਮਣਵਾਦ ਦੇ ਉਹ ਪਾਖੰਡ, ਫੋਕਟ
ਕਰਮ ਕਾਂਡ .ਤੇ ਆਡੰਬਰ ਹਨ, ਜਿਨਾਂ ਦੇ ਖਾਤਮੇ ਲਈ ਗੁਰੂ ਨਾਨਕ ਦੇਵ ਜੀ ਨੇ ਇਨਕਲਾਬੀ ਧਰਮ
ਦੀ ਬੁਨਿਆਦ ਰੱਖੀ ਸੀ। ਉਸ ਧਰਮ ‘ਚ ਮੁੜ ਤੋਂ ਫੋਕਟ ਕਰਮ- ਕਾਂਡਾਂ ਦੇ ਭਾਰੂ ਹੋਣ ਨੂੰ ਲੈ
ਕੇ ਹੈ, ਜਿਸ ਧਰਮ ਦਾ ਉਹ ਗ੍ਰੰਥ ਜਿਹੜਾ ਜ਼ਾਹਰਾ ਗੁਰੂ ਹੈ, ਜਿਸ ਨੂੰ ਪ੍ਰਗਟ ਗੁਰਾਂ ਧੀ
ਦੇਹਿ, ਮੰਨਿਆਂ ਜਾਂਦਾ ਹੈ, ਉਸ ਗੁਰੂ ਦਾ ਹੋਕਾ ਹੈ ਕਿ ਪਾਖੰਡ, ਆਡੰਬਰ ਤੇ ਫੋਕਟ ਕਰਮ -ਕਾਂਡ
ਨਹੀਂ ਕਰਨੇ ਅਤੇ ਅੰਨ ਛੱਡਣ ਦਾ ਪਾਖੰਡ ਕਰਨ ਵਾਲੀ ਔਰਤ ਨਾ ਸੁਹਾਗਣ ਅਤੇ ਨਾ ਹੀ ਰੰਡੀ
ਮੰਨੀ ਜਾਂਦੀ ਹੈ। ਜਨਮ -ਮਰਨ ਪ੍ਰਮਾਤਮਾ ਦੇ ਹੱਥ ਹੈ। ਪ੍ਰਮਾਤਮਾ ਦੀ ਬਰਾਬਰੀ ਕਿਸੇ ਆਮ
ਮਨੁੱਖ ਦੇ ਵੱਸ ਨਹੀਂ, ਹਰ ਜੀਵ ਆਤਮਾ ਉਸ ਵਾਹਿਗੁਰੂ ਦੀ ਇਸਤਰੀ ਹ । ਫਿਰ ਉਸ ਲਈ ਸੁਹਾਗਣ
ਜਾਂ ਵਿਧਵਾ ਹੋਣ ਦੇ ਅਰਥ ਬਹੁਤ ਉੱਚੇ, ਡੂੰਘੇ ਅਤੇ ਅਧਿਆਤਮਕ ਰੰਗ ‘ਚ ਰੰਗੇ ਹੋ ਜਾਂਦੇ
ਹਨ ।
ਕੱਟੜ ਹਿੰਦੂਵਾਦੀ ਤਾਕਤਾਂ ਵਲੋਂ ਟੀ. ਵੀ ਚੈਨਲਾਂ ਰਾਹੀਂ ਦੇਸ਼ ਦੇ
ਹਿੰਦੂਕਰਨ ਦੀ ਮੁਹਿੰਮ ‘ਚ ਸਭ ਤੋਂ ਮੋਹਰੀ ਰੋਲ ਨਿਭਾਇਆ ਜਾ ਰਿਹਾ ਹੈ, ਜਿਸ ਨੂੰ ਸਮਝਣ
ਤੇ ਵਿਚਾਰਨ ਤੋਂ ਬਾਅਦ ਉਸਦਾ ਡੱਟਵਾਂ ਮੁਕਾਬਲਾ ਕਰਨ ਦੀ ਵੱਡੀ ਲੋੜ ਹੈ। ਜੇ ਸਿੱਖਾਂ ਦੇ
50 ਫੀਸਦੀ ਪੇਂਡੂ ਘਰਾਂ ਅਤੇ 85 ਫੀਸਦੀ ਸ਼ਹਿਰੀ ਘਰਾਂ ‘ਚ ਕਰਵਾ ਚੌਥ ਦਾ ਵਰਤ ਰੱਖਿਆ ਗਿਆ
ਹੈ ਤਾਂ ਇਸਦਾ ਇੱਕੋ- ਇੱਕ ਨਤੀਜਾ ਨਿਕਲਦਾ ਹੈ ਕਿ ਅਸੀਂ ਮਾਨਸਿਕ ਰੂਪ ‘ਚ ਕਮਜ਼ੋਰ ਹੋ
ਚੁੱਕੇ ਹਾਂ । ਗੁਰੂ ਵਲੋਂ ਦਿੱਤੀ ਸਿਖਿਆ ਤੇ ਸੇਧ ਦੇ ਸਾਡੇ ਲਈ ਕੋਈ ਅਰਥ ਨਹੀਂ ਰਹਿ ਗਏ।
ਹਰ ਜਗਰਾਤੇ ‘ਚ, ਹਰ ਮਜ਼ਾਰ ‘ਤੇ ਸਿੱਖਾਂ ਦੀ ਵੱਡੀ ਗਿਣਤੀ ਵੇਖੀ ਜਾ ਸਕਦੀ ਹੈ। ਇੱਕ ਨੂੰ
ਛੱਡ ਕੇ ਦੂਜੇ ਦੇ ਲੜ ਲੱਗਣ ਵਾਲਾ ਹਮੇਸ਼ਾਂ ਡੁੱਬਦਾ ਹੈ।
ਇਹ ਗੁਰਬਾਣੀ ਦਾ ਫੁਰਮਾਨ ਹੈ। ਫਿਰ ਸਾਡਾ ਆਪਣੇ ਧਰਮ ਤੋਂ, ਆਪਣੇ
ਈਮਾਨ ਤੋਂ, ਆਪਣੇ ਗੁਰੂ ਤੋਂ ਨਿਸ਼ਚਾ ਕਿਉਂ ਡੋਲ ਗਿਆ ਹੈ? ਸਿੱਖੀ ਦਾ ਪ੍ਰਚਾਰ ਕਰਨ ਵਾਲੇ
ਸੰਤ ਬਾਬਿਆਂ ਦੀਆਂ ਧਾੜਾਂ ਦਾ ਅੰਤ ਨਹੀਂ, ਟੀ ਵੀ ਚੈਨਲਾਂ ‘ਤੇ ਕਥਾ – ਵਿਖਿਆਨ ਕਰਨ ਵਾਲੇ
ਪ੍ਰਚਾਰਕਾਂ ਦੀ ਕੋਈ ਕਮੀ ਨਹੀਂ, ਕੀਰਤਨ ਦਰਬਾਰਾਂ ਤੇ ਨਗਰ ਕੀਰਤਨਾਂ ਦੀ ਲੜੀ ਟੁੱਟਦੀ
ਨਹੀਂ। ਉਸ ਦੇ ਬਾਵਜੂਦ ਸਿੱਖੀ ਦਾ ਹਿੰਦੂਕਰਨ ਤੇਜ਼ੀ ਨਾਲ ਹੋ ਰਿਹਾ ਹੈ।
ਆਖਰ ਕਿਉਂ ? ਘਾਟ ਕਿੱਥੇ ਹੈ ?
ਸਿੱਖ ਵੱਖਰੀ ਕੌਮ ਹੈ । ਉਹ ਸੱਚੇ ਮਾਰਗ ਦੀ ਪਾਂਧੀ ਹੈ।
ਫਿਰ ਸਿੱਖ ਝੂਠੇ ਰਾਹਾਂ ‘ਤੇ ਕਿਉਂ ਤੁਰ ਪਏ ? ਗੁਰੂ
ਸਾਹਿਬਾਨ ਨੇ ਮਨੁੱਖ ਨੂੰ ਚੰਗੇ ਕੰਮ ਕਰਨ ਦੀ ਸਿੱਖਿਆ ਦਿੱਤੀ ਅਤੇ ਚੰਗੇ ਕੰਮਾਂ ਨਾਲ ਹੀ
ਚੰਗੇ ਫਲ ਦੀ ਪ੍ਰਾਪਤੀ ਦਾ ਰਾਹ ਦੱਸਿਆ । ਫਿਰ ਝੂਠੇ ਪਾਖੰਡਾਂ ਤੋਂ ਕਿਸੇ ਪ੍ਰਾਪਤੀ ਦੀ
ਆਸ ਕੋਈ ਸਿੱਖ ਕਿਵੇਂ ਕਰਨ ਲੱਗ ਪਿਆ ? ਮੌਤ ਨੂੰ ਜਿੱਤਣ ਦਾ ਕਾਰਨਾਮਾ ਬਾਬਾ ਦੀਪ ਸਿੰਘ
ਨੇ ਹਕੀਕੀ ਰੂਪ ‘ਚ ਕਰ ਦਿਖਾਇਆ ਸੀ । ਪ੍ਰੰਤੂ ਉਸ ਪਿੱਛੇ ਗੁਰੂ ਪ੍ਰਤੀ ਸਮਰਪਿਤ ਭਾਵਨਾ
ਅਤੇ ਆਪਣੇ ਗੁਰ੍ਰੂ ਅੱਗੇ ਕੀਤੀ ਅਰਦਾਸ ਨੂੰ ਤੋੜ ਨਿਭਾਉਣ ਦਾ ਦ੍ਰਿੜ ਇਰਾਦਾ ਸੀ । ਕੋਈ
ਕੀ ਕਰਦਾ ? ਸਾਨੂੰ ਉਸ ਨਾਲ ਬਹੁਤਾ ਸਰੋਕਾਰ ਨਹੀਂ । ਪਰ ਜਿਸ ਤਰਾਂ ਸਿੱਖ ਘਰਾਂ ‘ਚ
ਹਿੰਦੂਵਾਦੀ ਫੋਕਟ ਕਰਮ ਕਾਂਡ ਭਾਰੂ ਹੋ ਰਹੇ ਹਨ , ਉੇਸ ਇਸ ਕਰਕੇ ਚਿੰਤਾ ਹੈ ਕਿ ਇਹ ਝੂਠੇ
ਕਰਮ- ਕਾਂਡ, ਸਿੱਖੀ ਦੇ ਨਿਆਰੇ – ਨਿਰਾਲੇ ਸਿਧਾਂਤਾਂ ਨੂੰ ਖੋਰਾ ਲਾ ਕੇ, ਸਿੱਖਾਂ ਨੂੰ
ਮਾਨਸਿਕ ਰੂਪ ‘ਚ ਕਮਜ਼ੋਰ ਕਰ ਰਹੇ ਹਨ, ਜਿਸ ਕਾਰਣ ਉਹ ਮੁੜ ਤੋਂ ਨਿਤਾਣੇ- ਨਿਮਾਣੇ ਬਣਨ
ਵੱਲ ਤੁਰ ਪਏ ਹਨ।
ਪਾਖੰਡ, ਆਡੰਬਰ ਤੇ ਇਨਾਂ ਫੋਕਟ ਕਰਮ -ਕਾਂਡਾਂ ਦਾ ਵਿਰੋਧ ਵੀ
ਕਮਜ਼ੋਰ ਪੈ ਰਿਹਾ ਹੈ, ਜਿਸ ਦਾ ਨਤੀਜਾ ਇਹ ਹੈ ਕਿ ਸਿੱਖ ਘਰਾਂ ‘ਚ ਹਿੰਦੂਵਾਦੀ ਕਰਮਕਾਂਡ
ਮੁੜ ਵਧੇਰੇ ਧੱੜ੍ਹਲੇ ਨਾਲ ਹੋਣ ਲੱਗ ਪਏ ਹਨ। ਪੰਥ ਦਰਦੀਆਂ ਨੂੰ ਇਹ ਚੁਣੌਤੀ ਸਵੀਕਾਰ
ਕਰਦਿਆਂ ਨਵੇਂ ਯੁੱਗ ਦੇ ਸਾਰੇ ਸੰਚਾਰ ਸਾਧਨਾਂ ਦਾ ਸਹਾਰਾ ਲੈ ਕੇ ਸਿੱਖੀ ‘ਚੋਂ ਮਿਲਾਵਟ
ਦੂਰ ਕਰਨਲਈ ਨਵੀਂ ਸਿੰਘ ਸਭਾ ਲਹਿਰ ਦੀ ਤੁਰੰਤ ਆਰੰਭਤਾ ਕਰਨੀ ਹੋਵੇਗੀ ।