ਮਿਤੀ 03 ਨਵੰਬਰ 2014, ਨਵੀਂ ਦਿੱਲੀ: ਅਜ ਪੰਥ ਦੇ ਕੁਝ ਪ੍ਰਸਿੱਧ
ਪ੍ਰਚਾਰਕਾਂ, ਵਿਦਵਾਨਾਂ ਅਤੇ ਪੰਥ ਦਰਦੀਆਂ ਦਾ ਇੱਕ ਜੱਥਾ, ਪ੍ਰੋ. ਦਰਸ਼ਨ ਸਿੰਘ ਖਾਲਸਾ ਨੂੰ
ਮਿਲਿਆ ਅਤੇ ਕੌਮ ਦੇ ਮੌਜੂਦਾ ਹਾਲਾਤਾਂ ਬਾਰੇ ਵਿਸਤਾਰ ਨਾਲ ਚਰਚਾ ਕੀਤੀ ਗਈ।
ਕੌਮ ਦੀ ਮੌਜੂਦਾ ਹਾਲਤ ਅਤੇ ਉਸ ਵਿਚ ਅਜੋਕੇ ਪ੍ਰਚਾਰਕਾਂ, ਵਿਦਵਾਨਾਂ ਅਤੇ
ਲਿਖਾਰੀਆਂ ਦਾ ਕੀ ਰੋਲ ਹੋਵੇ, ਇਸ ਬਾਰੇ ਕੁੱਝ ਮਤੇ ਅਤੇ ਨੀਤੀਆਂ ਨਿਰਧਾਰਿਤ ਕੀਤੀਆਂ ਗਈਆਂ ਅਤੇ
ਇਕ ਜੁੱਟ ਹੋ ਕੇ ਪੰਥਿਕ ਜਾਗਰੂਕਤਾ ਅਤੇ ਏਕਤਾ ਵਿੱਚ ਆਉਣ ਵਾਲੀਆਂ ਰੁਕਾਵਟਾਂ ਅਤੇ ਮੁਸ਼ਕਿਲਾਂ
ਦੇ ਕਾਰਣਾਂ 'ਤੇ ਵੀ ਖੁੱਲ ਕੇ ਚਰਚਾ ਕੀਤੀ ਗਈ।
ਇਸ ਮੀਟਿੰਗ ਵਿਚ ਪੰਥ ਦੇ ਵਰਿਸ਼ਠ ਪਤਰਕਾਰ,
ਲਿਖਾਰੀ ਅਤੇ ਵਿਦਵਾਨ ਸ. ਕਿਰਪਾਲ ਸਿੰਘ ਭਠਿੰਡਾ, ਸ. ਹਰਲਾਜ ਸਿੰਘ ਬਹਾਦੁਰਪੁਰ, ਨੌਜਵਾਨ
ਪ੍ਰਚਾਰਕ ਭਾਈ ਪਰਮਜੀਤ ਸਿੰਘ ਉੱਤਰਾਖੰਡ, ਭਾਈ ਬਲਜੀਤ ਸਿੰਘ ਦਿੱਲੀ, ਭਾਈ ਪਰਮਜੀਤ ਸਿੰਘ ਕੇਸਰੀ,
ਸ. ਤਰਨਜੀਤ ਸਿੰਘ ਦਿੱਲੀ, ਸ. ਸੁਰਿੰਦਰ ਸਿੰਘ, ਸ. ਇੰਦਰਜੀਤ ਸਿੰਘ ਕਾਨਪੁਰ ਨੇ ਹਿੱਸਾ
ਲਿਆ।