ਪੇਸ਼ਾਵਰ, 16 ਦਸੰਬਰ (ਏਜੰਸੀ): ਉੱਤਰ-ਪੱਛਮੀ ਪਾਕਿਸਤਾਨ ਦੇ ਪੇਸ਼ਾਵਰ ‘ਚ
ਸੈਨਿਕਾਂ ਦੁਆਰਾ ਸੰਚਾਲਿਤ ਇਕ ਸਕੂਲ ‘ਤੇ ਅੱਜ ਸਵੇਰੇ ਹੋਏ ਤਾਲਿਬਾਨੀ ਅੱਤਵਾਦੀਆਂ ਦੇ ਹਮਲੇ
‘ਚ ਹੁਣ ਤੱਕ 100 ਤੋਂ ਵੱਧ ਬੱਚਿਆਂ ਸਮੇਤ 126 ਤੋਂ ਵੱਧ ਮੌਤਾਂ ਹੋ ਗਈਆਂ ਹਨ।
ਉੱਤਰ ਪੱਛਮੀ
ਪ੍ਰਾਂਤ ਖੈਬਰ-ਪਖਤੂਨਵਾ ਦੇ ਸਿਹਤ ਮੰਤਰੀ ਨੇ ਦੱਸਿਆ ਕਿ ਮਾਰੇ ਗਏ ਲੋਕਾਂ ‘ਚ ਦੋ ਅਧਿਆਪਕ ਵੀ
ਸ਼ਾਮਲ ਹਨ। ਵੈਸੇ , ਅੱਤਵਾਦੀਆਂ ਨਾਲ ਮੁਕਾਬਲੇ ਲਈ ਸੈਨਾ ਦੇ ਜਵਾਨ ਸਕੂਲ ‘ਚ ਦਾਖਲ ਹੋ ਚੁੱਕੇ
ਹਨ।
ਖ਼ਬਰਾਂ ਮੁਤਾਬਿਕ ਹਮਲੇ ਦੀ ਜਿੰਮੇਵਾਰੀ ਤਹਿਰੀਕ-ਏ-ਤਾਲਿਬਾਨ ਨੇ ਲਈ ਹੈ
ਅਤੇ ਕਿਹਾ ਹੈ ਕਿ ਉਸ ਨੇ ਆਪਣੇ ਅੱਤਵਾਦੀਆਂ ਨੂੰ ਵੱਡੇ ਵਿਦਿਆਰਥੀਆਂ ਨੂੰ ਗੋਲੀ ਮਾਰਨ ਦੇ
ਆਦੇਸ਼ ਦਿੱਤੇ ਸਨ, ਛੋਟੇ ਬੱਚਿਆਂ ਨੂੰ ਨਹੀਂ।
ਤਾਲਿਬਾਨ ਦੇ ਬੁਲਾਰੇ ਮੁਹੰਮਦ ਖੁਰਾਸਾਨੀ ਨੇ ਇਹ
ਵੀ ਕਿਹਾ ਕਿ ਇਹ ਹਮਲਾ ਅਫਗਾਨ ਸਰਹੱਦ ਦੇ ਨਜ਼ਦੀਕ ਉਤਰੀ ਵਜੀਰਿਸਤਾਨ ‘ਚ ਅੱਤਵਾਦੀਆਂ ਖਿਲਾਫ
ਪਾਕਿਸਤਾਨੀ ਸੈਨਾ ਦੀ ਕਾਰਵਾਈ ਦੇ ਜਵਾਬ ‘ਚ ਕੀਤਾ ਗਿਆ ਹੈ।